В Неделю 34-ю по Пятидесятнице, отдание праздника Богоявления и день памяти святой равноапостольной Нины, просветительницы Грузии, митрополит Воронежский и Борисоглебский Сергий совершил Божественную литургию в Благовещенском кафедральном соборе.

Его Высокопреосвященству сослужили клирики кафедрального собора.

Тропарь равноапостольной Нине, глас 4:

Слова Божия служительнице,/ во апостольстей проповеди первозванному Андрею/ и прочим апостолом подражавшая,/ просветительнице Иверии и Духа Святаго цевнице,/ святая равноапостольная Нино,/ моли Христа Бога// спастися душам нашим.

Кондак равноапостольной Нине, глас 2:

Приидите днесь вси,/ воспоим избранную от Христа/ равноапостольную проповедницу Божия слова,/ мудрую благовестницу,/ люди Карталинии приведшу на путь живота и истины,/ Богоматере ученицу,/ усердную заступницу и неусыпающую хранительницу нашу,// Нину прехвальную.

Молитва равноапостольной Нине:

О всехвальная и предивная равноапостольная Нино, воистинну великое украшение Церкве Православный и изрядная похвало народу Иверийскому, просветившая всю страну Грузинскую Божественным учением и подвиги апостольства победившая врага нашего спасения, трудом и молитвами насадившая зде вертоград Христов и возращшая его в плод мног. Празднующе святую память твою, притекаем к честному лику твоему и благоговейно лобызаем всехвальный дар тебе от Божия Матере, чудотворный крест, егоже ты обвила еси драгими власы твоими, и умильно просим, яко присную предстательницу нашу: огради нас от всяких зол и скорбей, вразуми врагов Святыя Церкве Христовы и противников благочестия, охраняй твое стадо, упасенное тобою, и моли Всеблагаго Бога, Спасителя нашего, Емуже ты ныне предстоиши, да дарует народу нашему мир, долгоденствие и во всяком добрем начинании поспешение, и да приведет Господь нас в Небесное Свое Царствие, идеже вси святии славословят всесвятое Его Имя ныне, и присно, и во веки веков. Аминь.